Knăm rang mdah rup “Phung mniê hŏng Điện Biên” mâo 3 mta phŭn: Đru mjing hdră mblah tŭ dưi Điện Biên Phủ; kyua sa Điện Biên đĭ kyar lehanăn Điện Biên – anôk bi kčah kơ êdei anăp. Anei jing hdră dôk hlăm bruă “Phung mniê kluôm ala mđing truh kơ Điện Biên” ƀri bi hdơr 70 thŭn Hruê mblah tŭ dưi Điện Biên Phủ, kñăm bi êdah klă klei đru mguôp mơ̆ng phung mniê Việt Nam ti djăp krĭng kwar, đru mjing leh hdră mblah tŭ dưi Điện Biên Phủ hƀuê ênuk.

Tlam 4/3, Êpul hgŭm bruă mniê čar Điện Biên mtrŭt mjhar leh hdră “Ktưn hưn Điện Biên – Phung mniê čang hmăng đĭ kyar” lehanăn mkŏ mjing Klei bi lông online “Tui ksiêm 70 thŭn Hdră mblah tŭ dưi Điện Biên Phủ”. Klei bi lông mphŭn mơ̆ng hruê 4/3 - 30/4 hŏng hnơ̆ng pŏk mlar, jing anôk lač jăk kơ phung amai adei, knuă druh kơ dŭm hdră hƀuê ênuk yuôm bhăn, krĭng lăn ktưn hưn Điện Biên Phủ jhŏng ktang.