VOV4.Êđê - Aguah mbruê, ti čar Vĩnh Phúc, êpul bruă hđeh êdam êra gưl dlông Hồ Chí Minh mkŏ mjing leh knăm mtrŭt mjhar sa ai hŏng thŭn êđăp ênang hlăm êlan klông 2022. Hŏng akŏ “Kyua klei suaih pral, klei hdĭp phung găn hlăm êlan klông”, dŭm gưl bruă Đoàn, Hội, Đội hlăm kluôm ala srăng mkŏ mjing dŭm mta bruă čiăng mđĭ hĭn dhar kreh hlăm êlan klông, rơ̆ng klei êđăp ênang hlăm êlan klông hlăm dŭm anôk hlơr, nao hgŭm mkŏ mkra bruă mkŏ mkra êlan klông.

Êngao kơ anăn, bruă hđeh êdam êra gưl dlông Hồ Chí Minh srăng bi mguôp hŏng Dhar bruă klei êđăp ênang êlan klông mkŏ mjing hdră prŏng msĕ si hruê knăm “hđeh êdam êra hŏng dhar kreh êlan klông”, klei kƀĭn hđeh êdam êra hŏng dhar kreh êlan klông, klei kƀĭn trông khua gĭt gai mda asei hŏng klei êđăp ênang hlăm êlan klông, klei bi lông dưn yua kdrăp mrâo mrang hlăm bruă rơ̆ng klei êđăp ênang hlăm êlan klông. Leh knăm mtrŭt mjhar, hlăm brô 1 êbâo čô hđeh êdam êra čar Vĩnh phúc srăng ngă bruă mtrŭt mjhar, hâo hưn kơ klei êđăp ênang hlăm êlan klông, nao hgŭm hlăm klei kƀĭn, kpiê sei leh anăn klei truh hlăm êlan klông.”

Y-Ƀel pô mblang