Klei bi lông jih gưl 3 thŭn 2023 ăt hơĭt msĕ si thŭn 2022, siămdah klei bhiăn mâo anôk mrâo čiăng kơ jih jang phung hđeh bi lông mđing bi nik. Mbĭt hŏng klei păn kjăp klei bhiăn, dŭm boh sang hră ti Gia Lai lŏ ngă klei bi hdơr klei hriăm.

Hlăm klei bi lông thŭn anei kluôm čar Gia Lai mâo êbeh 15.200 čô hđeh ngă hră mơar bi lông, hlăm anăn mâo giăm 14.300 phung hđeh sang hră phổ thông, 483 čô hđeh mơ̆ng sang hră mjuăt bi hriăm nanao, dŭm adôk jing hđeh ngă hră mơar êngiê. Hlăm ênoh jih jang phung hđeh ngă hră mơar bi lông mâo êbeh 14.000 čô hđeh ngă hră mơar hrŏng mŭt gưl prŏng, gưl krah. Čar Gia Lai dăp leh hdră mkŏ mjing klei bi lông ti 41 bĭt anôk./.