Hlăm mmông bi tuôm leh anăn hưn mdah hdră ngă bruă ti anăp phung bi ala, Nguyễn Thanh Nghị  mñă klă, tơdah mâo phung mplĕ hră čar Dak Lak đăo knang, ruah ngă pô bi ala Bruă Kbĭn ala gưl 16, wưng thŭn 2026 - 2031, ñu srăng jêñ jêñ rơ̆ng kơ klei blŭ hrăm, bi mguôp hŏng phung bi ala leh anăn mnuih ƀuôn sang, bi tuôm, mđing hmư̆ klei akâo, klei hmăng hmưi mơ̆ng phung bi ala čiăng hưn mdah hŏng Đảng, hŏng Bruă Kbĭn ala, Knŭk kna.

Mbĭt anăn ksiêm dlăng, mtrŭt mjhar dŭm anôk bruă djŏ tuôm ksiêm dlăng, hmao mgaih msir, mâo boh tŭ dưn dŭm klei akâo mơ̆ng phung bi ala, hưn mdah leh anăn mkăp brei kluôm klei hưn kơ bruă hluê ngă hdră êlan pô čiăng kơ phung bi ala ksiêm dlăng.