VOV4.Êđê- Mmăt anei 21/3, ti Hà Nội, êpul bruă hđeh êdam êra gưl dlông Hồ Chí Minh, êpul hgŭm bruă hđeh êdam êra gưl dlông Việt Nam, êpul hgŭm phung nai aê mdrao mda asei gưl dlông Việt Nam bi mguôp hŏng phŭn bruă mdrao mgŭn srăng mkŏ mjing knăm pah mni 10 čô nai aê mdrao mda asei Việt Nam êdah êdi hŏng akŏ “nai aê mdrao hlăm bruă gang mkhư̆ klei ruă tưp Covid-19”. Phung nai aê mdrao mâo klei pah mni gưl anei jing 10 čô aê mdrao amâo êgao 40 thŭn, jih ai hŏng bruă mă pô, kyua mnuih ruă, mâo klei thâo, leh anăn mâo boh tŭ hlăm bruă gang mkhư̆ klei ruă tưp, mdrao klei ruă, kriê dlăng mnuih ruă. Boh nik hlăm klei ngă bruă čŏng pô kyua klei suaih pral yang ƀuôn msĕ si: bruă ngă jăk, mkă dlăng, mdrao klei ruă kơ mnuih ƀun ƀin. Anei jing phung nai aê mdrao êdah êdi hlăm bruă jhŏng mĭn, jhŏng ngă, amâo uêñ kơ klei knap mñai, ngă bruă đru kơ dŭm sang êa drao, anôk mdrao mgŭn krĭng tiah kbưi, krĭng dleh dlan amâodah hlăm dŭm mta bruă djŏ tuôm hlăm bruă gang mkhư̆ klei ruă tưp wưng thŭn 2020 -2021.

Pô mblang: Y-Ƀel Êban