VOV4.Êđê- Aguah 24/3, Bruă Đảng kahan gưl dlông, Phŭn bruă lĭng kahan mkŏ mjing Hdră pah mni kơ phung mda asei êdah kdlưn hlăm êpul kahan thŭn 2021.10 čô êdah kdlưn, 36 čô mâo klei čang hmăng kluôm êpul kahan dưi ruah thŭn anei, bi ala kơ dŭm êtuh êbâo čô êdam êra hlăm êpul kahan hlăm dŭm mta bruă: mtô bi hriăm, mprăp bi blah, hriăm hră, ksiêm hriăm kreh knhâo, đru mnuih ƀuôn sang msir klei ư̆ êpa, bi hrŏ klei ƀun knap, gang mkhư̆ klei yan adiê ngă, klei ruă tưp, đru dŏng, kdŏ mmuiñ, mjuăt asei mlei leh anăn mă bruă hŏng tač êngao. Hlăm klei pah mni, bi ala kơ Bruă Đảng kahan gưl dlông, Khua gĭt gai Phŭn bruă lĭng kahan, Khua phŭn bruă lĭng kahan Phan Văn Giang čih yap leh anăn bi mni kơ klei tŭ dưi mâo mơ̆ng phung mda asei hlăm êpul kahan leh anăn phung mda asei mâo klei čang hmăng thŭn 2021. Bi mklă hlăm klei tŭ mbĭt mơ̆ng êpul kahan, mâo klei đru mguôp prŏng mơ̆ng phung mda asei lĭng kahan.

Pô mblang: H’Zawut Ƀuôn Yă