PC Dak Lak đru êbeh 500 êklăk prăk đru kơ mnuih ƀuôn sang krĭng êa lip lêč
Thứ tư, 10:32, 25/09/2024
VOV TAYNGUYEN
VOV TAYNGUYEN
VOV4.Êđê- Phung khua Anôk bruă pui kmlă Dak Lak jao leh 100 êklăk prăk kơ Dhar bruă mặt trận čar čiăng đru kơ mnuih ƀuôn sang dŭm čar nah Dưr msir mghaih klei truh mơ̆ng gưl adiê hjan, angĭn êbŭ leh êgao.
Mbĭt anăn, mđing truh asăp iêu mthưr mơ̆ng Dhar bruă mặt trận čar kwar Việt Nam, Anôk bruă pui kmlă Dak Lak mtrŭt mjhar grăp čô mnuih mă bruă đru ƀiă êdi sa hruê prăk mlan mă bruă lehanăn mâo mkrum mguôp leh 387 êklăk prăk.
Ênoh prăk anei dưi mơĭt kơ Knơ̆ng bruă pui kmlă kwar krah bi mklin lehanăn ba đru kơ mnuih ƀuôn sang krĭng êa lip lêč ngă. Êlâo anăn, Anôk bruă pui kmlă Dak Lak ba mơĭt leh 50 êklăk prăk truh kơ Anôk bruă pui kmlă Lạng Sơn, đru kơ anôk bruă msir mghaih lehanăn krŭ wĭt anôk bruă nah gŭ leh klei truh mơ̆ng yan adiê ngă./.
Viết bình luận