Hlăm mmông hâo hưn, phung knuă duh, mnuih mă bruă dưi bi klă kơ boh sĭt klei êđăp ênang hlăm êlan klông, klei êđăp ênang êjai mă bruă hlăm bruă pui kmlă ti alŭ wăl čar Dak Lak, dŭm klei čuăn mơ̆ng klei bhiăn ala čar kơ klei êđăp ênang hlăm êlan klông, dhar kreh êlan klông, klei bhiăn ala čar kơ klei mă bruă knuă… Boh nik, hŏng bruă hlăk mblang đa đa klei ngă soh, klei truh hlăm êlan klông, phung kahan ksiêm êlan klông đru leh kơ phung mă bruă pui kmlă bi kjăp klei thâo, mâo klei mtô êjai nao hlăm êlan klông čiăng ñĕ kơ klei amâo mâo jăk tam mâo.

Dưi thâo, bruă hâo hưn kah mbha klei bhiăn ala čar kơ klei êđăp ênang hlăm êlan klông, klei êđăp ênang êjai mă bruă jing bruă jêñ jêñ mơ̆ng knơ̆ng bruă pui kmlă Dak Lak, đru mđĭ klei thâo săng, bruă klam mơ̆ng phung knuă druh, mnuih mă bruă hlăm klei nao hgŭm hlăm êlan klông, klei mă bruă, hluê ngă jăk bruă mkăp brei pui kmlă.