VOV4.Êđê - Mtrŭt mđĭ hdră tla prăk pui kmlă amâo mâo yua bruă, hruê mmông êgao, knơ̆ng bruă pui kmlă Dak Lak mkŏ leh hŏng 15 knơ̆ng bruă ngăn prăk leh anăn 9 êpul êya dôk ti krah ngă bruă mă brei prăk pui. Hdră tla prăk anei jing jăk găl hŏng phung ba yua, bi hrŏ mmông êrô êbat, mbĭt anăn đru kơ dhar bruă pui kmlă bi hrŏ dŭm klei soh, kriê dlăng prăk nư. Truh kơ ară anei, giăm 90% phung ba yua mơ̆ntg knơ̆ng bruă ngă leh bruă hŏng hdră anei. Amâo djŏ knŏng phung ba yua hlăm ƀuôn prŏng, bruă tla prăk hŏng hdră anei ăt mâo lu phung ba yua hlăm dŭm krĭng taih kbưi. Trần Văn Sao, ti alŭ 1C, să Dliê Yang, kdriêk Ea H’Leo brei thâo: Bruă anei găl êdi kơ dŭm anôk hrui mă prăk pui kmlă leh anăn phung ba yua tla prăk pui. Klei hâo hưn jing kluôm ênŭm, pô srăng dưi tla hŏng tài khoản amâodah hlăm knơ̆ng bruă ngăn prăk, ăt mâo klei jăk kơ phung ba yua.

Mbĭt hŏng bruă hâo hưn čiăng kơ mnuih ƀuôn sang leh anăn phung ba yua thâo săng kơ dŭm klei jăk mơ̆ng bruă tla prăk amâo yua prăk. PC Dak Lak ăt lŏ mkŏ mjing kdrăp dưn yua QR code hluê si hnơ̆ng čoh čuăn mơ̆ng knơ̆ng bruă ngăn prăk knŭk kna kơ jih jang phung ba yua. Grăp čô srăng mâo sa mrô QR code, dưn yua hlăm jih jang hră mơar, hră prăk pui. Phung ba yua srăng dưi pioh hĕ klei čih pioh hlăm đĭng blŭ grăp čô čiăng ngă dŭm mta bruă hŏng klei ênưih.

Y-Ƀel pô mblang