VOV4.Êđê - Mđing truh Mlan ngă bruă kyua phung hđeh thŭn 2022, Anôk bruă pui kmnlă Dak Nông mrâo mkŏ mjing knăm jao 450 hnư mnơ̆ng kơ phung hđeh ti ƀuôn Bu Rwah, să Dak N’Drung, kdriêk Dak Song. Grăp hnư mnơ̆ng mâo ƀêñ kĕo, êa ksâo, hdruôm hră…

Ƀri gưl anei, êpul êdam êra PC Dak Nông mbĭt hŏng phung êdam êra alŭ wăl lŏ mkŏ mjing dŭm hdră bruă mjing tač hlăp kơ phung hđeh, msĕ si bi mjĕ mjuk kdŏ mmuñ, dŭm klei hlăp lêñ djuê ana…

Dưi thâo, ƀuôn Bu Rwah jing ƀuôn bi mjut mjing hŏng Anôk bruă pui kmlă Dak Nông. Mơ̆ng lu thŭn hŏng anei, anôk bruă mkŏ mjing leh lu hdră đru kơ gŏ sang dleh dlan, mđing dlăng kriê čô anak hlăm ƀuôn hgao klei dleh dlan, gĭr hriăm hră./.

H’Nêč pô mblang