Knăm mơak boh durian hŏng akŏ “Boh durian Krông Pač – Đĭ kyar lehanăn ñŭ kma” mkŏ mjing mơ̆ng hrue 31/8 - 2/9 ti hlăm wăl krah Phước An lehanăn hlăm dŭm boh să ti kdriêk Krông Pač, čar Daklak. Mbĭt hŏng knăm pŏk, lehanăn knăm bi ruĕ mâo dŭm hdră mnah phao briêng, hlăm jih jang hdră mkŏ mjing mâo: Klei bi lông phung pla mjing boh durian hŏng klei mbruă; klei rang mdah mnơ̆ng dhơ̆ng čhĭ mnia OCOP; Hrue dharr kreh mnơ̆ng ƀơ̆ng huă dŭm djuê ana; klei nao ƀơ̆ng boh durian hlăm đang mtam...

Mđrăm mbĭt hŏng alŭ wăl hlăm jih bruă mkŏ mjing knăm mơak boh durian ti Krông Pač, knơ̆ng bruă pui kmlă Daklak ngă bi leh dŭm bruă rơ̆ng mkăp djăp pui kmlă hŏng klei êđăp ênang. Dhar bruă pui kmlă ksiêm dlăng jih jang êlan kli pui kmlă, lehanăn anôk mđĭ mtrŭn pui, ngă jăk bruă mkŏ mkra êlan klei pui kmlă, anôk mđĭ mtrŭn pui dưi ba hiu, lehanăn mkŏ dŭm boh masin bi êran pui kmlă mkăp ti kơ dŭm knăm mkŏ mjing ti wăl tač ƀuôn hgŭm   Tân An.