VOV4.Êđê- Bi mguôp jih jang mnuih ngă bruă, lehanăn ba yua hdra mrâo mrang, lehanăn mkăp bi djăp pui kmlă yua, knơ̆ng bruă pui kmlă Daknông mjing leh klei đăo knang, mă bruă jăk hŏng phung yua pui. Ngă bruă hŏng klei dhar kreh, knuă druh bruă pui kmlă hur har nanao hlăm bruă knuă, mđing kơ mnuih yua pui, mkŏ mjing klei jăk siam hlăm êpul knuă druh ngă bruă, thâo jĕ giăm hŏng phung yua pui.

PC Dak Nông myơr sang kơ Đặng Thị Quyền, să Dak Wil, kdriêk čư̆ Jut

Lehanăn lŏ duh bi liê dŭm êtuh êklai prăk ba pui kmlă kơ krĭng taih kbưi, lehanăn mâo lu hdră đru kơ klei hdĭp mda phung ƀuôn sang, msĕ si rŭ mdơ̆ng sang bi đru, mđŭp brei mnơ̆ng kơ dŭm gŏ êsei knŭk kna dlăng ba, mnuih ƀun hlăm grăp blư̆ mâo knăm mơak, đru prăk hriăm hră mơar kơ hđeh ƀun, đru hŏng sang pui klei khăp ti dŭm boh sang êa drao hlăm čar Daknông... hŏng ênoh jih jang hlăm brô 500 êklăk prăk./.

Pô mblang: Y-Khem Niê