Blŭ hrăm đĭ păn bruă, Phạm Anh Tuấn mñă ktang klei gĭt mlih mrâo ktang phĭt hdră êlan gĭt gai, ngă bruă ktang phĭt, mkŏ mjing klei mlih sĭt bi mâo djăp klei čiăng đĭ kyar pral leh anăn hơĭt kjăp hlăm wưng mrâo. Klă klơ̆ng, Bruă sang čư̆ êa čar Gia Lai bi klă 10 êpul bruă klam phŭn hlăm klei ngă bruă jih wưng păn bruă.

Mta kñăm jing mđĭ kyar bruă duh mkra 2 ênoh mrô, nao mbĭt hŏng mkŏ wĭt hdră bruă leh anăn mđĭ ai dưi bi mdrơ̆ng mơ̆ng bruă duh mkra. Mbĭt hŏng anăn jing mkŏ mjing ênoh mrô KPI čiăng mkă boh tŭ bruă knuă truh kơ grăp dhar bruă, alŭ wăl, mtrŭt mđĭ klei mlih mrâo hdră êlan, bi ênưih hră mơar Knŭk kna čiăng bi hơĭt wăl duh bi liê mnia mblei.