VOV4.Êđê- Tlam hruê 5/5, ti Sang bruă kƀĭn ala, Dhar bruă gĭt gai anôk bruă kƀĭn ala mkŏ mjing leh Knăm hưn mthâo lehanăn Jao klei bi mklă ruah Phạm Thái Hà păn ngă K’iăng khua Adŭ bruă anôk kƀĭn ala hlŏng klam ngă Pô đru bruă kơ Khua bruă kƀĭn ala. Bi ala Dhar bruă gĭt gai anôk bruă kƀĭn ala, K’iăng khua anôk bruă kƀĭn ala Trần Thanh Mẫn h’êč hmưi kơ phung khua kiă kriê anôk bruă kƀĭn ala mrâo djŏ ruah, hlăm anăn mâo Phạm Thái Hà mâo Dhar bruă gĭt gai anôk bruă kƀĭn ala đăo knang, ruah păn ngă K’iăng khua adŭ bruă anôk kƀĭn ala. K’iăng khua anôk bruă kƀĭn ala đăo knang phung knuă druh, mnuih mă bruă ti adŭ bruă anôk kƀĭn ala sa ai, hgŭm mguôp čiăng mkŏ mkra sa êpul bruă kjăp ktang kluôm dhuôm, bi êdah klei kpă mngač, kreh knhâo hlăm hdră jao bruă, kriê dlăng hdră mă bruă ba wĭt klei tŭ dưn./.

                                                    Pô mblang: H’Nêč Êñuôl