VOV4.Êđê - Hruê 19/6, Phan Đình Trạc – Khua hlăm Phŭn bruă kđi čar, Khua hlăm Anôk bruă Đảng gưl dlông, Khua anôk bruă ngă hră m’ar hlăm ala čar gưl dlông mbĭt hŏng Êpul bi ala anôk bruă kƀĭn ala čar Lâm Đồng, bi tuôm leh hŏng mnuih ƀuôn sang ti să Đại Lào, ƀuôn prŏng Bảo Lộc lehanăn să Liên Đầm, kdriêk Di Linh. Ti dŭm anôk bi tuôm, phung bi ala bi êdah klei m’ak ti anăp boh tŭ mơ̆ng klei bi kƀĭn tal 3, boh nik anôk bruă kƀĭn ala lui leh lu mmông bi trông, bi mklă lu bruă yuôm bhăn.

Mbĭt anăn, mnuih ƀuôn sang akâo kơ Êpul bi ala anôk bruă kƀĭn ala čar Lâm Đồng dŭm klei brei mđing msir mghaih. Bi ala anôk bruă kƀĭn ala čar Lâm Đồng, Phan Đình Trạc – tŭ mă leh klei blŭ, klei akâo čiăng mơ̆ng mnuih ƀuôn sang lehanăn hlak mblang dŭm mta klei djŏ hŏng klei dưi. Hlăm hdră gang mkhư̆ klei ƀơ̆ng ngăn, Phan Đình Trạc mñă “Amâo mâo krĭng kăm, amâo mâo anôk lui” lehanăn srăng lŏ ngă ktang hĭn hlăm wưng ti anăp./.

H’ Nêč pô mblang