Hlăm anôk bi tuôm, phung bi ala kơ mnuih ƀuôn sang să Tà Năng lač lu klei blŭ, klei akâo djŏ tuôm kơ klei hdĭp, mkra mjing, klei hdĭp mda ala ƀuôn leh anăn bruă ngă mơ̆ng Knŭk kna alŭ wăl. Blŭ hrăm hlăm mmông mă bruă, Phan Đình Trạc čih yap klei blŭ djŏ klă mơ̆ng phung bi ala kơ mnuih ƀuôn sang, bi mklă Êpul bi ala bruă kƀĭn ala čar srăng čih, mơĭt kơ dŭm anôk bruă mâo klei dưi ksiêm dlăng, msir mgaih hlăm wưng hnưm hĭn.

Mbĭt anăn brei čar Lâm Đồng mđing dlăng, msir bi klă bruă mkăp Hră bi mklă yua lăn, ngă djŏ hdră bhiăn, rơ̆ng klei dưi djŏ klă kơ mnuih ƀuôn sang; jao kơ anôk bruă kahan ksiêm bi mklă mta phŭn luč hră bi mklă yua lăn čiăng msir bruă klam hlue si klei kčah mtrŭn.