VOV4.Êđê- Hruê 6/3 hluê hruê mlam blĕ, hruê bi hdơr hruê djiê mtao Hùng, klei ngă yang sang kkuh kơ Mtao Hùng klă klơ̆ng mkŏ mjing hruê knăm hŏng akŏ “Kdrưh Kơăm phŭn agha, krĭng lăn mtao Hùng” nao mbĭt hŏng klei bi hdơr 10 thŭn hruê UNESCO tŭ yap “Klei kkuh mpŭ kơ mtao Hùng ti Phú Thọ” jing mnơ̆ng kriê pioh dhar kreh amâo thâo ƀuh hŏng ală bi ala kơ anak mnuih. Knăm bi hdơr hruê djiê Đức Quốc Tổ Lạc Long Quân leh anăn myơr brui mngưi bi hdơr Tổ Mẫu Âu Cơ hruê 6/3, knăm myơr brui mngưi bi hdơr kơ phung mtao Hùng hruê 10/3 hruê mlan blĕ leh anăn knăm myơr mnga ti knưng “awa Hồ blŭ hrăm hŏng phung knuă druh, lĭng kahan Đại đoàn quân tiên phong”. Hồ Đại Dũng, k’iăng khua bruă sang čư êa čar Phú Thọ, khua êpul mkŏ mjing knăm bi hdơr hruê djiê Mtao Hùng – knăm sang kkuh kơ mtao Hùng thŭn Nhâm Dần 2022 brei thâo, čar mkŏ mjing leh djăp klei găl brei kơ mnuih ƀuôn sang nao hgŭm hlăm dŭm bruă dhar kreh, kriê pioh klei bhiăn klei đăo knang, boh nik hlăm dŭm knăm sang kkuh kơ Mtao Hùng hruê 10/3 hluê hruê mlan blĕ grăp thŭn.

Pô mblang: Y-Ƀel Êban