VOV4.Êđê-  Klei đăo knăl kơ ênoh đĭ kyar GDP jing dleh dlan, boh nik hlăm 3 mlan knhal jih thŭn, êjai boh klei dlông rŏng lăn dôk găn klei dleh dlan. Ti anăp klei msĕ snăn, Phŭn bruăčuăl mkă duh bi liê ăt mkăp leh kơ dua hdră êlan: Tơdah klei đĭ kyar êdu kyua tuôm hŏng lu klei dleh dlan snăn hlăm thŭn 2022, hnơ̆ng đĭ kyar GDP năng ai hlăm brô 7,5%. Hlăm djăp mta boh klei ăt dôk găn msĕ si ară anei, ka lŏ ƀuh ôh hŏng ala čar drei, snăn hnơ̆ng đăo knăl GDP srăng mâo hlăm brô 8%. Hŏng klei čang hmăng klei duh mkra Việt Nam thŭn 2023, Phŭn bruă čuăl mkă duh bi liê bi mkă hnơ̆ng êjai klei dleh dlan. Klei kơ prăk luič ênoh, lehanăn klei đĭkyar dlông rŏng lăn thŭn 2023 dôk hlăm klei dleh thâo tĭng knăl. Việt Nam bi mâo hĕ dŭm hdră êlan hŏng klei thâo răng, dưi kiă kriê kjăp jih jang djăp mta bruă, tơdah hơăi srăng lĕ hlăm klei toh hroh. Lač kơ bruă bi liê ngăn prăk knŭk kna, k’iăng khua phŭn bruă čuăl mkă duh bi liê brei thâo djăp 46,7% mkă hŏng hdră khua knŭk kna jao. Khădah ƀiă hĭn mkă hŏng wưng anei thŭn dih giăm 35 êbâo êklai prăk. Boh phŭn jing kyua hnơ̆ng prăk duh bi liê kluôm thŭn 2022 lu hĭn kơ thŭn 2021./.

Pô mblang: Y-Khem Niê