Klei hưn brei thâo, Klei kƀĭn tal 12 Dhar bruă bi mguôp Việt Nam  - Japon dưi mkŏ mjing ti Tokyo, Japon hlăm hruê 07/08/2024. Dua tĭng bi mni kơ bruă lŏ mkŏ wĭt dhar bruă bi mguôp Việt Nam – Japon leh 5 thŭn kpăk hĕ kyua klei ruă tưp Covid-19.

Anei jing klei kƀĭn tal êlâo dưi mkŏ mjing leh dua ala čar mđĭ hnơ̆ng klei mjĕ giăm kluôm  kyua klei êđăp ênang leh anăn mdrŏng sang ti Asi leh anăn tar rŏng lăn, bi êdah klei gĭr mơ̆ng khua gĭt gai knŭk kna, dŭm phŭn, dhar bruă dua ala čar hlăm bruă mtrŭt mđĭ klei bi hgŭm Việt Nam – Japon đĭ kyar ktang, klă sĭt, kluôm dhuôm, năng djŏ hŏng kơhưm klei mjĕ giăm mrâo.