Hlăm mmông tŭ drông, k’iăng khua phŭn bruă kahan ksiêm Lương Tam Quang mñă klă, Đảng leh anăn knŭk kna Việt Nam mâo nanao klei mpŭ hŏng klei dưi êngiê klei đăo knang, klei đăo mơ̆ng grăp čô mnuih ƀuôn sang, bi êdah klei sa ai, kluôm êlam hlăm dŭm hdră êlan, hdră mtrŭn leh anăn dưi bi klă hŏng klei bhiăn ala čar. Dŭm klei đăo mâo klei mtăp mđơr ti anăp klei bhiăn ala čar, hdĭp mbĭt êđăp ênang, bi mguôp hrăm mbĭt hŏng djuê ana, amâo mâo klei amâo thâo bi djŏ djuê ana, klei amâo thâo bi djŏ hlăm klei đăo.

K’iăng khua phŭn bruă kahan ksiêm Lương Tam Quang hmăng hmưi pô bi ala srăng jing kdrông mkŏ đru mtrŭt mđĭ klei mjĕ giăm hdră êlan Việt Nam – Prăng ƀrư̆ hruê ƀrư̆ đĭ kyar hĭn hlăm djăp mta bruă, boh nik jing dŭm mta bruă bi mguôp tar rŏng lăn hlăm bruă klei đăo, ăt msĕ hŏng mđĭ hĭn klei bi mguôp, kah mbha klei hriăm pla hwah phŭn bruă kahan ksiêm Việt Nam hŏng anôk bruă hdră bhiăn Prăng đru răng mgang klei êđăp ênang ala čar, klei êđăp ênang yang ƀuôn, klei êngiê hlăm klei đăo ti grăp ala čar.