Hlăm mmông drông, K’iăng Khua phŭn bruă Lương Tam Quang lač, Việt Nam dlăng Mi jing ƀĭng hgŭm mâo klei găl prŏng kơ hdră mnêč, kreh knhâo - kdrăp mrâo leh anăn čang hmăng pŏk mlar, mđĭ klei bi hgŭm klă sĭt, tŭ dưn hŏng Mi hlăm dŭm bruă mâo klei găl.

Hlăm wưng kơ anăp, čiăng mđĭ klei bi hgŭm bruă duh mkra, mnia blei, bi liê năng hŏng hnơ̆ng đĭ kyar mơ̆ng klei bi hgŭm dua ala čar, USABC mtă kơ Knŭk kna Việt Nam, hlăm anăn mâo Phŭn bruă kahan ksiêm srăng lŏ mđing, mjing klei găl kơ dŭm anôk bruă duh mkra Mi bi liê hơĭt kjăp, sui ti Việt Nam. Dŭm anôk bruă mnia blei hlăm USABC ƀuăn rơ̆ng srăng đru kơ Việt Nam ngă hdră kñăm mđĭ kyar, boh nik jing hdră kñăm mlih mrô, mkŏ mjing bruă duh mkra mrô, ala ƀuôn mrô, mđĭ klei êđăp ênang hlăm internet, mkhư̆ klei pui ƀơ̆ng./.