Mâo klei dưi mơ̆ng phŭn bruă kahan ksiêm, aguah mbrue 20/9, Đại tá Vũ Hồng Quang, Khua knơ̆ng bruă kahan ksiêm čar Cao Bằng jao leh ênoh prăk truh 2 êklai prăk mă mơ̆ng keh bi đru ƀĭng kahan, mơ̆ng kahan ksiêm yang ƀuôn, pioh đru kơ mnuih ƀuôn sang dôk găn klei truh tơl kyua yan adiê ngă.

Anei jing klei khăp mơ̆ng phung kahan ksiêm bi êdah čiăng kah hŏng mnuih ƀuôn sang, mdul klei dleh ktrŏ kyua yan adiê ngă. Bi ala kơ phŭn bruă kahan ksiêm, Đại tá Vũ Hồng Quang cang hmăng hŏng bruă klam mbĭt, knơ̆ng bruă mặt trận čar Cao Bằng srăng mkăp mbha bi djŏ mnuih, ngă hŏng klei klă mngač. Truh ară anei, anôk bruă mặt trận čar Cao Bằng mâo tŭ mă leh klei bi đru mơ̆ng ala čar lehanăn ala tač êngao truh êbeh 134 êklai prăk, êbeh 115 tôn braih, lehanăn hlăm brô 300 tôn mnơ̆ng yua mkăn./.