Tlâo thŭn êgao, bruă Đảng, khua gĭt gai kahan ksiêm dŭm gưl thâo săng êlam, djăp ênŭm hĭn kơ klei bhiăn, hnơ̆ng yuôm bhăn, klei čiăng êdi bruă tui hriăm, hlue ngă knhuah mngač Hồ Chí Minh leh anăn Năm klei Awa Hồ mtă mtăn hŏng bruă mkŏ mjing Đảng, mkŏ mjing êpul kahan ksiêm yang ƀuôn.

Đại tướng Tô Lâm -  Khua phŭn bruă kahan ksiêm mtă kơ gưl bruă Đảng, khua gĭt gai kahan ksiêm dŭm gưl brei lŏ dơ̆ng mkŏ mjing jăk klei bi kƀĭn kđi čar, hlue ngă knhuah mngač Hồ Chí Minh leh anăn Năm klei Awa Hồ mtă; ksiêm dlăng êlam, hlue ngă tŭ dưn klei gĭt gai mơ̆ng Khua dlăng bruă Đảng Nguyễn Phú Trọng kơ tlâo bruă phŭn jing “tui hriăm”, “gĭr hlue ngă” leh anăn “ba anăp” hlăm bruă tui hriăm, hlue ngă Năm klei Awa Hồ mtă mtăn leh anăn hlăm bruă mkŏ mjing  Đảng hlue ai tiê gĭr, kjăp, grăp mnĭt, grăp mmông./.