VOV4.Êđê -  Tlam mbruê 3/6, phŭn bruă kahan ksiêm mkŏ mjing leh klei kƀĭn trông ksiêm wĭt, čih yap boh tŭ hluê ngă bruă mkŏ mjing kahan ksiêm să, wăl krah truăn kơ bruă. Blŭ hlăm klei kƀĭn, khua phŭn bruă Tô Lâm yap yuôm bhăn dŭm boh tŭ mơ̆ng êpul kahan ksiêm să, wăl krah dưi mâo leh hlăm hruê mmông êgao. Hlăm anăn mâo bruă kriê dlăng knŭk kna kơ klei êđăp ênang dưi hluê ngă jăk hĭn, rơ̆ng djŏ hŏng klei bhiăn ala čar.

Khua phŭn bruă Tô Lâm brei thâo, hruê mmông kơ anăp, bruă Đảng kahan ksiêm gưl dlông srăng ba mdah hdră mtrŭn kơ bruă lŏ dơ̆ng mtrŭt mđĭ bruă mkŏ mjing kahan ksiêm să, wăl krah truăn kơ bruă hlăm wưng mrâo kñăm mkŏ mjing êpul kahan ksiêm să, wăl krah, truăn kơ bruă kluôm ênŭm, mbha bruă, mbha gưl leh anăn kdrăp yua, bruă nah tluôm. Mâo ênŭm ai dưi mgaih msir dŭm dŭm boh klei kơ klei êđăp ênang, gĭr ktưn mkŏ mjing êpul kahan ksiêm să, wăk krah mbĭt hŏng êpul kahan ksiêm yang ƀuôn ênuah ênô, kjăp ktang, truăn kơ bruă, mrâo mrang, djăp ênŭm hnơ̆ng čoh čuăn, bruă klam hlăm wưng mrâo.

Y-Bel pô mblang