Hlăm knăm mtrŭt mjhar, Khua phŭn bruă kahan ksiêm Đại tướng Lương Tam Quang mñă kơ khua gĭt gai kahan ksiêm dŭm alŭ wăl dlăng hŏng mta phŭn bi lông ktưn hlăm hdră kčah mơ̆ng Phŭn bruă leh anăn 21 mta phŭn klă klơ̆ng “Hdră bhiăn hĭn, siă suôr hĭn, giăm hŏng mnuih ƀuôn sang hĭn” čiăng bi mbŏ hlăm hdră, hdră êlan ngă bruă, grăm mlan klei kƀĭn grăp anôk bruă gĭt gai, ktrâo lač, knuă druh, lĭng kahan, grăp anôk bruă ksiêm dlăng, ksiêm wĭt, ktrâo klă dŭm mnơ̆ng dhơ̆ng, boh tŭ dưn bi êdah “Hdră bhiăn hĭn, siă suôr hĭn, giăm hŏng mnuih ƀuôn sang hĭn” .

Khua phŭn bruă Lương Tam Quang đăo knang, grăp čô khua gĭt gai, grăp čô knuă druh, kahan ksiêm srăng gĭr hlăm grăp hruê, ba klei bi lông ktưn 3 hĭn bi lar ktang, klă sĭt jing mta mtrŭt mjhar hluê ngă tŭ jing hdră mtrŭn klei kƀĭn kluôm bruă Đảng kahan ksiêm gưl dlông gưl tal 8, ba bruă răng mgang klei êđăp ênang đru mguôp hlăm ênuk mrâo mơ̆ng lăn čar ti gŭ klei gĭt gai mơ̆ng Đảng.