Hlăm wưng êgao, kyua hmăi mơ̆ng dŭm gưl adiê hjan, êa lip ngă, ba leh lu klei luič liê kjham kơ  mnuih lehanăn ngăn drăp hŏng mnuih ƀuôn sang kwar Krah, Lăn dap kngư, boh nik ti dŭm čar, ƀuôn prŏng: Dak Lak, Lâm Đồng, Khánh Hoà, Gia Lai, Đà Nẵng.

Hluê ngă klei gĭt gai mơ̆ng Đảng, Knŭk kna, Phŭn bruă kahan ksiêm ba nao leh êbeh 195.000 čô knuă druh, lĭng kahan nao đru răng mgang klei êđăp ênang gưl nah gŭ, êbeh 27.700 kdrăp mnơ̆ng nao đru msir mghaih klei truh jhat; mkŏ mjing hdră đru êbeh 150.000 čô, đru êbeh 500 ton mnơ̆ng lehanăn 4,7 êklai prăk đru kơ mnuih ƀuôn sang ti krĭng luič liê. Ti knăm mtrŭt mjhar, phung khua Phŭn bruă kahan ksiêm iêu mthưr jih jang êpul ngă bruă tŭ dưn, pral đru kơ mnuih ƀuôn sang, amâo lui ư̆ êpa, kƀah êa yua, êa drao gŭn. Kahan ksiêm dŭm alŭ wăl pral ksiêm dlăng krĭng huĭ hyưt, gang mkhư̆ phung ngă soh mčhua hŏng klei truh mơ̆ng yan adiê ngă lehanăn mđĭ hdră đru kơ mnuih ƀuôn sang./.