Ti anôk bi trông, dua čô khua prŏng anei bi êdah klei đăo knang, kơ dua mta bruă prŏng bi hgŭm mkŏ mjing kdrăp kriê pioh ênoh čih yap anak mnuih, lehanăn hră kak asei kơ mnuih Lào lehanăn rŭ mdơ̆ng anôk mkhư̆ mdrao klei ră rañ ti Vientiane ala čar Lào srăng lŏ jing dŭm mta bruă kñăm hyuă kjăp hĭn klei thâo bi mguôp plah wah dua ala čar Việt Nam-Lào, hlăm anăn mâo dua phŭn bruă kahan ksiêm dua nah đru bi răng kriê klei êđăp ênang.

Hlăm bruă bi kdơ̆ng hŏng phung ngă soh, dua čô khua prŏng bi tŭ ư wưng tinăp dua nah lŏ bi hgŭm mâo klei tŭ dưn hĭn kơ bruă răng mgang klei êđăp ênang hlăm ala čar, lehanăn bi kdơ̆ng hŏng klei ngă măk ƀai, klei ñŭ kma soh hŏng klei bhiăn, lehanăn răng mgang bruă kđi čar hdơ̆ng găp, klei êđăp ênang bruă duh mkra, lehanăn klei êđăp ênang dhar kreh./.