Leh hmư̆ pô bi ala Bruă Đảng ƀuôn prŏng hưn mdah Hră akâo klei blŭ gĭt gai kơ hdră čuăl mkă, klei blŭ mguôp mơ̆ng dŭm anôk bruă đru mguôp kơ Hdră čuăl mkă, Phŭn bruă kđi čar kƀĭn bi trông leh anăn klă klơ̆ng tŭ ư kơ hdră mtrŭn, klei mĭn prŏng, yuôm bhăn tă hdră čuăl mkă ƀuôn prŏng Hồ Chí Minh.

Klah čŭn klei bi kƀĭn, Khua gĭt gai Đảng, Khua lăn čar Tô Lâm mtă, mñă klă dŭm klei yuôm bhăn. Hdră čuăl mkă brei klă klơ̆ng hdră êlan mơ̆ng Đảng, dŭm hdră mtrŭn mơ̆ng Anôk dlăng bruă Đảng gưl dlông, Phŭn bruă kđi čar, Anôk dlăng bruă Đảng hlăm wưng êgao. Hdră čuăl mkă brei bi êdah klă bruă klam, klei yuôm bhăn mơ̆ng ƀuôn prŏng Hồ Chí Minh, jing anôk phŭn bruă duh mkra, dhar kreh, mtô bi hriăm, kreh knhâo - kdrăp mrâo kluôm ala. Phŭn bruă kđi mtă kơ bruă Đảng ƀuôn prŏng Hồ Chí Minh kƀĭn gĭt gai mjêč bi leh Hdră čuăl mkă.