Blŭ hrăm hlăm klei kƀĭn trông, Khua gĭt gai Đảng Tô Lâm lač klă mta kñăm mơ̆ng gưl ksiêm dlăng čiăng bi klă kluôm dhuôm bruă gĭt gai, ktrâo lač ksiêm duah, hluê hriăm, hyuă kjăp, hâo hưn leh anăn mkŏ mjing hluê ngă hdră mtrŭn Klei kƀĭn prŏng tal 14 mơ̆ng Đảng mbĭt hŏng dŭm hdră mtrŭn, asăp mtrŭn mơ̆ng Phŭn bruă kđi čar. Hlăm klei ksiêm dlăng, êpul ngă bruă srăng hmao ƀuh dŭm hdră ngă mrâo, mbruă, tŭ dưn, mbĭt anăn ksiêm wĭt dŭm klei hriăm jăk hlăm bruă mkŏ mjing ti anôk bruă Đảng ƀuôn prŏng Hà Nội, bi klă dŭm klei êdah hĭn, klei kƀah mơ̆ng Êpul khua bruă Đảng ƀuôn prŏng hŏng dŭm mta phŭn dưi ksiêm dlăng.

Khua gĭt gai Đảng Tô Lâm  mñă kơ phung khua hlăm êpul ksiêm dlăng bi lar ai tiê bruă klam, ngă djŏ klei gĭt gai mơ̆ng khua êpul, čŏng ksiêm dlăng, ksiêm duah hră mơar djŏ tuôm čiăng rơ̆ng kơ hnơ̆ng jăk, hdră kčah ksiêm dlăng hluê si hdră êlan mâo leh.