Aguah mbruê (11/6), Bruă Đảng kahan ksiêm gưl dlông bi hgŭm hŏng Adŭ bruă Đảng gưl dlông leh anăn Anôk bruă mkŏ mjing gưl dlông mkŏ mjing Knăm hưn mdah Hdră mtrŭn mơ̆ng Phŭn bruă kđi čar gĭt gai Thượng tướng Lương Tam Quang, Khua hlăm bruă Đảng gưl dlông, Khua phŭn bruă kahan ksiêm ngă Khua dlăng bruă Đảng kahan ksiêm gưl dlông, wưng 2020 - 2025.

Blŭ hrăm ngă bruă klam, Khua phŭn bruă Lương Tam Quang bi mni kơ klei tŭ yap, đăo knang, jao bruă klam mơ̆ng Đảng, jing mơ̆ng Phŭn bruă kđi čar, Khua anôk dlăng bruă Đảng, Khua gĭt gai Đảng Nguyễn Phú Trọng hŏng ñu pô. Khua phŭn bruă Lương Tam Quang ƀuăn hlăm bruă klam mrâo srăng bi hgŭm, hrăm mbĭt hŏng êpul bruă Đảng kahan ksiêm gưl dlông lŏ dơ̆ng čuê, mđĭ lar knhuah gru kdrưh kơăm, ngă jăk, tŭ dưn bruă klam dưi jao. Mđĭ lar hlue ngă jăk bruă kđi čar, klei bhiăn Đảng, boh nik klei bhiăn kƀĭn klei êngiê kơ mnuih ƀuôn sang; mđĭ bruă klam bi hmô, mđĭ lar ai tiê jhŏng mĭn, jhŏng ngă, jhŏng đua klam; jih ai tiê kyua bruă mbĭt.