Hlăm klei kƀĭn trông, khua gĭt gai Knơ̆ng bruă kiă kriê bruă knuă lu alŭ wăl hlăm lăn čar bi myuôm klei gĭt gai, ktrâo lač mơ̆ng Phŭn bruă hlăm dŭm bruă kñăm, boh nik jing bruă dăp anôk bruă knŭk kna gưl kdriêk, gưl să. Boh nik lu alŭ wăl hlăm anôk dăp mă klei blŭ mguôp mơ̆ng mnuih ƀuôn sang leh anăn anăn pia anôk bruă mrâo kyuanăn mâo klei sa ai.

Bruă kiă kriê bruă knuă dôk nao klă hŏng hdră mtrŭn mơ̆ng Đảng hlăm bruă dăp dŭm anôk bruă mơ̆ng Phŭn, dhar bruă alŭ wăl. Hlăm 6 mlan knhal jih thŭn, Khua Phŭn bruă Phạm Thị Thanh mñă brei kñăm kơ dua bruă klam prŏng jing dăp anôk bruă knŭk kna gưl kdriêk, gưl să, tơdah ti alŭ wăl amâo mâo bi leh srăng đua klam ti anăp gưl dlông, hlăm thŭn 2024 srăng ngă bi leh.