VOV4.Êđê - Phŭn bruă ksiêm dlăng bruă mă ala čar akâo bi mguôp mbĭt lu knơ̆ng, dhar bruă mơ̆ng Phŭn bruă mdrao mgŭn, Phŭn bruă Lŏ hma – mđĭ kyar krĭng ƀuôn sang. Phŭn bruă ksiêm dlăng bruă mă ala čar tŭ ư hŏng klei hưn mdah mơ̆ng Phŭn bruă Lŏ hma – mđĭ kyar krĭng ƀuôn sang kơ bruă bi leh hdră mkŏ dăp mâo 27 anôk bruă, hlăm anăn mâo 21 êpul bruă ngă hră m’ar lehanăn 6 êpul êya bruă knŭk kna. Hŏng Phŭn bruă mdrao mgŭn, krơ̆ng kjăp 12 êpul bruă mâo bruă klam kriê dlăng knŭk kna; lŏ mkŏ dăp wĭt 8 knơ̆ng, dhar bruă. Êlâo anăn, akŏ mlan 3 thŭn anei, Khua knŭk kna mtă kơ dŭm Phŭn, dhar bruă, alŭ wăl čih mkra hdră mtrŭn bi mklă bruă klam, klei dưi lehanăn hdră lŏ mkŏ dăp anôk bruă pô ba m’ĭt kơ Phŭn bruă ksiêm dlăng bruă mă ala čar, Phŭn bruă kriê dlăng hdră bhiăn bi mklă, ba mdah kơ Knŭk kna ksiêm dlăng, bi mklă hlăm mlan 3/2022. Khă snăn, hluê si K’iăng khua Phŭn bruă ksiêm dlăng bruă mă ala čar Nguyễn Duy Thăng, bruă lŏ mkŏ dăp anôk bruă, mnuih mă bruă jing bruă dleh brei mâo wưng ksiêm dlăng klă nik kyua anăn srăng hưn mdah hŏng Knŭk kna ksiêm dlăng hlăm wưng ti anăp./.

H’Nêč pô mblang