Trung tướng Nguyễn Doãn Anh, k’iăng khua knơ̆ng kiă kriê kahan yang ƀuôn Việt Nam jing pô kiă kriê klei hriăm anei ti čar Daklak. Hdră bi hriăm jing ruh mgaih dŭm klei bi klin lu mnuih, bi kdơ̆ng hŏng klei bi rŭng, ksiêm duah bom min boh mtuh, mghaih msir lehanăn mkhư̆ mta ruă, dŏng đru mnuih mâo klei truh, bi mtlaih mnuih arăng mă kơ̆ng bi hmô ti kdrŭn ksĭ Cát Tiên Sa, tač êdeh phiơr Đà Nẵng lehanăn sang mđung asăp mđung rup čar Daklak.

Tơdah boh klei bi hmô ti Daklak mâo phung măk ƀai ñŭ kma, mkhư̆ hĕ phung knuă druh, mnuih ngă bruă ti dŭm boh sang mđung asăp, mđung rup. Diñu mgô̆ phung ngă bruă hưn mthâo bi lar klei diñu mdlưh knŭk kna, mkŏ mjing knŭk kna diñu duah mjing mă. Mmông anăn mtam, kahan    Binh chủng Đặc công lehanăn dŭm êpul kahan ti čar Daklak mâo mtam dŭm hdră mghaih msir hŏng klei pral lehanăn khuăt, lehanăn mâo hdră mtlaih mnuih diñu mă kơ̆ng./.