Hluê si Hdră kčah mŏng Phŭn bruă Lŏ hma lehanăn Wăl hdĭp mda, hdră anei dôk hlăm knăm bi hdơr 80 thŭn, tĭng srăng mkŏ mjing mŏng mlan 7 – 12/2025, hŏng lu hdră kđi čar, ala ƀuôn, dhar kreh tŭ dưn. Hŏng hdră “Knhuah gru – Mlih mrâo – Đĭ kyar – Hơĭt kjăp”, Knăm bi hdơr Anôk  bruă Lŏ hma lehanăn Wăl hdĭp mda amao djŏ knŏng jing wưng lač jăk kơ knuă druh dŭm ênuk gưl duh myơr ƀiădah lŏ jing gru kruăk pŏk êlan kơ wưng đĭ kyar mrâo – hdră nao kơ anôk bruă lŏ hma lăn êa, krĭng ƀuôn sang ênuk mrâo, ƀĭng ngă lŏ hma kreh dhar, mguôp hŏng hdră kriê dlăng, răng mgang ngăn dŏ čŏng mâo – wăl hdĭp mda tŭ dưn, hơĭt kjăp.

Mđĭ lar knhuah gru 80 thŭn kdrưh kơăm, kluôm anôk bruă lŏ dơ̆ng mtrŭt mđĭ hdră bi ktưn khăp kơ ala čar, mlih mrâo kơ kriê dlăng, ba yua kdrăp mrâo mrang, bi mlih mrô, đru mkŏ mjing ala čar sah mdrŏng, mtah lehanăn yâo mơak, hluê ngă klei čang hmăng “Việt Nam jhŏng ktang, đĭ kyar, mtah lehanăn hơĭt kjăp”./.