Klei jing klei mñă mơ̆ng k’iăng Khua knŭk kna Trần Hồng Hà hlăm klei kƀĭn hŏng phŭn bruă mdrao mgŭn leh anăn đa đa alŭ wăl kơ hdră êlan wĭt dăp sang êa drao hlăm Phŭn bruă mdrao mgŭn mkŏ mjing tlam mbruê 1/6. Ară anei, Phŭn bruă mdrao mgŭn mâo 34 sang êa drao mâo bruă klam mkă dlăng mdrao mgŭn gưl knhal tuč, gĭt gai gưl mdrao, mtô mjuăt mnuih mă bruă mdrao mgŭn, boh nik mtô mjuăt êdei sang hră gưl prŏng, ksiêm duah, mkra mjing, ba jao kdrăp mrâo…

Hluê si hdră mkăp, Êpul dŭm sang êa drao hlăm phŭn bruă mdrao mgŭn kčĕ lŏ dơ̆ng kriê dlăng 30 bĭt sang êa drao. Bi kơ sang êa drao mrô 74 gưl dlông ti čar Vĩnh Phúc wĭt jao kơ bruă sang čư êa čar Vĩnh Phúc kiă kriê. Sang êa drao mrô 71 gưl dlông sang êa drao bi krŭ wĭt klei kpư̆ mgei gưl dlông ti Thanh Hoá lŏ mkŏ wĭt jing sang êa drao sang hră gưl prŏng bruă mdrao mgŭn ƀuôn prŏng Hà Nội. Sang êa drao prŏng gưl dlông Quảng Nam mkŏ wĭt jing anôk bruă mrô 3 mơ̆ng Sang êa drao prŏng gưl dlông Huế.