VOV4.Êđê- Hruê mbruê 11/7, k’kiăng khua Phŭn bruă ngăn dŏ leh anăn wăl hdĭp mda Lê Công Thành mâo leh klei ksiêm dlăng bruă gang mkhư̆ klei truh yan adiê ti čar Kon Tum. Hluê si klei hưn, akŏ thŭn 2021, adiê mđiă ktang ti alŭ wăl hmăi amâo mâo jăk kơ êbeh 93 ha ana pla mjing, hjan hlĭm, êa lêč ngă kơ 3 čô djiê, bi rai 136 boh sang dôk leh anăn êbeh 700ha ana kyâo pla mjing, lu bĭt êlan, knơ̆ng kdơ̆ng êa jhat rai, hmăi hlăm brô 126 êklai prăk.

Čiăng gang mkhư̆ leh anăn bi hrŏ klei truh yan adiê, čar Kon Tum bi êdah 27 hdră mkăp čiăng duh bi liê hlăm wưng thŭn 2021 - 2025 hŏng ênoh kluôm giăm 900 êklai prăk čiăng mbĕ đuê̆, dăp anôk dôk kơ êbeh 2.500 gŏ sang hŏng hlăm brô 10.000 čô. Blŭ hlăm mmông mă bruă, k’kiăng khua Phŭn bruă ngăn dŏ leh anăn wăl hdĭp mda Lê Công Thành mtă kơ čar Kon Tum uêñ mĭn kơ boh sĭt klei truh yan adiê hlăm dŭm mlan knhal jih thŭn, mtô mjuăt klei thâo hmao ƀuh klei truh yan adiê kơ êpul đru dŏng nah gŭ, mkăp brei đĭng blŭ vệ tinh kơ alŭ wăl kreh mâo klei bi ktlah hjăn.

Pô mblang: Y-Ƀel Êban