VOV4.Êđê- Aguah hruê 1/7, Êpul ksiêm dlăng mrô 4 mơ̆ng Phŭn bruă Sang hră m’ar nao ksiêm dlăng leh hdră mprăp kơ Klei bi lông gưl 3 thŭn 2022 ti čar Dak Nông. Klei bi lông thŭn anei, kluôm čar Dak Nông mâo 6.881 čô nao bi lông. Čar mkăp leh 19 anôk bi lông hŏng 303 adŭ bi lông, đĭ 1 anôk bi lông mkă hŏng thŭn êlâo.

Truh ară anei, jih jang anôk bi lông ti Dak Nông dưi mprăp leh djăp ênŭm hluê si klei kčah mtrŭn mơ̆ng Phŭn bruă Sang hră m’ar. Leh nao ksiêm dlăng, Êpul mă bruă mơ̆ng Phŭn bruă sang hră m’ar mtă brei mđing dŭm boh klei huĭ tăm mâo, msĕ si: Phung hđeh “Tăm” ba đĭng blŭ hlăm adŭ hriăm, phung nai dlăng klei bi lông, phung hđeh djŏ covid-19… Kyua anăn, êlâo kơ mŭt adŭ bi lông, čar brei ksiêm bi nik djăp boh klei snăn, kñăm rơ̆ng klei êđăp ênang, tŭ jăk kơ klei bi lông./.

                                                    Pô mblang: H’Nêč Êñuôl