Phŭn bruă sang hră mtô bi hriăm ksiêm dlăng bruă mprăp kơ klei bi lông hriăm jih gưl 3 čar Kon Tum
Thứ tư, 00:00, 07/06/2023
VOV TAYNGUYEN
VOV TAYNGUYEN
VOV4.Êđê- Hruê mbruê 6/6, Êpul mă bruă mrô 3 mơ̆ng Phŭn bruă sang hră mtô bi hriăm mâo K’iăng Khua phŭn bruă Ngô Thị Minh, K’iăng Khua Anôk bruă gĭt gai gưl ala čar Klei bi lông hriăm jih gưl 3 thŭn 2023 ngă khua êpul ksiêm dlăng bruă mprăp kơ klei bi lông hriăm jih gưl 3 ti čar Kon Tum.
Blŭ hrăm hlăm mmông mă bruă hŏng Anôk bruă gĭt gai Klei bi lông hriăm jih gưl 3 thŭn 2023 čar Kon Tum, K’iăng Khua Phŭn bruă sang hră mtô bi hriăm Ngô Thị Minh mtă ñĕ kơ klei ngă ngơi mang; hlăm bruă hriăm mjuăt Klei Bhiăn bi lông brei mlih mrâo Hdră msir čiăng dưi hriăm mjuăt klei thâo săng djăp ênŭm klei bhiăn hlue ngă djŏ bruă klam pô; mprăp klei thâo čiăng kơ phung ngă bruă hlăm klei bi lông mdrơ̆ng hŏng klei mâo, hdră kčah ksiêm dlăng mơ̆ng Anôk bruă gĭt gai klei bi lông brei dưi mkŏ mjing klă klơ̆ng.
Klei bi lông hriăm jih gưl 3 thŭn 2023, čar Kon Tum mâo 5.028 čô bi lông, hlăm anăn mâo 1.722 čô mnuih djuê ƀiă./.
Viết bình luận