Nao hlăm klei êmuh leh anăn wĭt lač klei êmuh čiăng ksiêm dlăng bruă hluê ngă mơ̆ng knŭk kna, dŭm phŭn, dhar bruă hŏng 6 hdră mtrŭn kơ klei êmuh leh anăn ktuê dlăng mơ̆ng Dhar bruă gĭt gai Bruă Kƀĭn ala mơ̆ng akŏ wưng păn bruă Bruă Kƀĭn Ala gưl 15 truh kơ jih thŭn 2023, ti anôk bi kƀĭn Dak Lak, pô bi ala Nguyễn Thị Thu Nguyệt, êpul bi ala Bruă Kƀĭn Ala čar Dak Lak mâo klei êmuh hŏng Khua phŭn bruă lŏ hma leh anăn mđĭ kyar krĭng buôn sang kơ bruă klam mơ̆ng bruă lŏ hma hlăm bruă čuăl mkă leh anăn mkŏ mjing hdră čuăl mkă.

Leh hmư̆ klei wĭt lač mơ̆ng Khua phŭn bruă lŏ hma leh anăn mđĭ kyar krĭng ƀuôn sang Lê Minh Hoan, pô bi ala Nguyễn Thị Thu Nguyệt, pô bi ala êpul mơ̆ng Dak Lak lač: Khua phŭn bruă mâo leh klei wĭt lač klă. Khua phŭn bruă lŏ hma leh anăn mđĭ kyar krĭng buôn sang mâo leh dŭm hdră tă. Boh sĭt hlăm boh klei anei hlăm bruă mđĭ kyar bruă lŏ hma hlăm grăp alŭ wăl leh anăn hluê si klei čiăng mơ̆ng grăp čô.