Phung bi ala bruă kƀĭn ala hmăng mhưi mlih mrô, dưn yua mrô kơ krĭng mnuih djuê ƀiă, krĭng taih kbưi
Thứ tư, 00:00, 08/11/2023
VOV TAYNGUYEN
VOV TAYNGUYEN
VOV4.Êđê- Aguah mbruê (7/11) ti Hà Nội, Phŭn bruă Lŏ hma lehanăn mđĭ kyar krĭng ƀuôn sangbi hgŭm hŏng dŭm Phŭn bruă: Mdrao mgŭn, Ngăn dŏ wăl hdĭp mda lehanăn Anôk bruă mđĭ kyar quốc tế Mi (USAID) ti Việt Nam hrăm mbĭt gĭt gai Klei bi kƀĭn trông gưl dlông grăp thŭn hlăm thŭn 2023 kơ hdră “Suaih pral kñăm gang mkhư̆ klei ruă mơ̆ng mnơ̆ng rông tưp kơ mnuih” wưng thŭn 2021-2025.
Phung bi ala nao ti Klei bi kƀĭn trông hưn mdah leh klei êdu kƀah, hdră msir kñăm mđĭ hdră bi hgŭm hluê ngă dŭm mta kñăm lehanăn bruă klam mŏng Hdră kčah ala čar kơ Klei suaih pral.
K’iăng khua Phŭn bruă Lŏ hma mđĭ kyar krĭng ƀuôn sang Phùng Đức Tiến mñă, Klei kƀĭn trông bi mklă leh klei ƀuăn mđĭ hdră bi hgŭm kñăm gang mkhư̆ klei ruă mŏng mnơ̆ng rông tưp kơ mnuih, mđĭ bruă klam bi hgŭm mŏng Phŭn bruă hŏng Hdră ngă bruă Kyua klei suaih pral kñăm gang mkhư̆ klei ruă mŏng mnơ̆ng rông tưp kơ mnuih; iêu mthưr dŭm tĭng hgŭm kngan bi đru hlăm hdră bruă anei./.
Viết bình luận