Anei jing hră čih Hdră bhiăn iêô jak klei mđing dlăng mơ̆ng mnuih ƀuôn sang, hlăm wưng êgao, phung ngă soh tlĕ čhĭ mnuih dleh ktuê dlăng, mâo klei bi knăl đĭ, hŏng mnêč lu, mâo lu klei čhĭ mnuih hlăm ala čar lu jing phung êkei. Hlăm dŭm thŭn giăm anei, kah knar grăp hruê kăm ala čar drei ƀuh hlăm brô 100 klei tlĕ čhĭ mnuih, hŏng mnêč msĕ si” bruă hdjul, prăk mlan lu”, đru kơ phung găn knông lăn čiăng brei mă bruă soh hŏng hdră bhiăn ti ala tač êngao, čiăng wĭt kơ ala čar brei tla sa ênoh prăk mtui lu.

Amâodah mjhua klei kƀah hlăm klei bi dôk ung mô̆ hŏng phung ala tač êngao, mă anak rông mơ̆ng ala tač êngao, amâodah hiu čhưn ênguê, hiu čhưn dlăng… čiăng čhĭ ti ala tač êngao, brei mă bruă ktrŏ, čhĭ mnơ̆ng hlăm asei mlei.