VOV4.Êđê - Hlăm dua hrue 28 lehanăn 29/3, Dhar bruă gĭ tgai bruă kƀĭn ala mkŏ mjing lewh klei bi kƀĭn phung bi ala bruă kƀĭn ala truăn kơ bruă čiăng trông čhai kơ 4 mta bruă čih mkra hdră bhiăn ba mdah kơ bruă kƀĭn ala ti anôk bi kƀĭn tal 3, Bruă kƀĭn ala gưl 15. Tui si hdră, hlăm hrue anei (28/3), phung bi ala trông čhai kơ 2 mta klei čih mkra hdră bhiăn; lŏ mlih mrâo thiăm mbŏ đa đa mta kơ hdră bhiăn kiă kriê klei mĭn, lehanăn hdră bhiăn bi ktưn, pah mni (lŏ mlih mrâo). Bi hdră bhiăn fim rup (lŏ mlih mrâo), lehanăn hdră bhiăn čhĭ hră ênua (lŏ mlih mrâo) srăng mâo klei trông čhai ti hrue 29/3. Klei bi kbiƀn dưi mkŏ mjing tlă anăp lehanăn online. Phung bi ala bruă kƀĭn ala truăn kơ bruă ti gưl dlông lehanăn dôk hlăm êpul phung bi ala ƀuôn prŏng Hà Nội nao ti sang bi kƀĭn Diên Hồng ti anôk bruă kƀĭn ala bi kƀĭn. Anei jing sa klei mprăp yuôm bhăn kơ klei bi kƀĭn tal 3 mơ̆ng Bruă kƀĭn ala gưl 15 mĭn srăng mkŏ mjing hlăm hrue 20/5/2022 kơ anăp./.

Y-Khem pô mblang