Phung bi ala kơ hđeh sang hră bi hdơr kơ phung jhŏng ktang êngiă ase leh anăn hưn klei tŭ dưn hŏng Awa
Thứ tư, 08:26, 20/12/2023
VOV Tây Nguyên
VOV Tây Nguyên
VOV4.Êđê- Hlăm jar Klei bi kƀĭn phung bi ala kluôm Êpul hgŭm hđeh sang hră Việt Nam tal XI, aguah 19/12, bi ala kơ dŭm êpul bi ala nao hlăm klei bi kƀĭn myơr leh brui mngưi bi hdơr ti knưl Bắc Sơn leh anăn nao hlăm knăm hưn klei tŭ dưn, čuă msat khua gĭt gai Hồ Chí Minh.
Ƀri knăm mơak prŏng mơ̆ng phung hđeh sang hră Việt Nam, phung bi ala Klei bi kƀĭn hđeh sang hră êdah êdi, hđeh sang hră mơ̆ng grăp čar kwar, hđeh sang hră Việt Nam ti ala tač êngao nao ti wăl tač Ba Đình hƀuê ênuk nao čuă msat Awa Hồ.
Hưn hŏng Awa kơ boh tŭ dưi mâo hlăm bruă ngă Êpul hgŭm leh anăn hdră phung hđeh sang hră lač klă: “Hŏng klei ktưn hưn, bruă klam lŏ čuê bruă krŭ kdơ̆ng kdrưh kơăm mơ̆ng djuê ana, grăp čô bi ala leh anăn phung hđeh sang hră brei gĭr ktưn lu hĭn, tui hriăm, mđĭ kyar pô leh anăn đru mguôp jăk kơ bruă mkŏ mjing leh anăn răng mgang čar kwar Việt Nam yang ƀuôn ngă phŭn”.
Viết bình luận