Hlăm klei blŭ phung bi ala lač hlăm mmông bi tuôm, êdah êdi jing klei kpăk đuôm kơ hră mơar hlăm bruă lăn ala. Lương Thanh Bình-  K’iăng Khua Knơ̆ng bruă ngăn dŏ wăl hdĭp mda Gia Lai brei thâo, hlăm wưng kơ anăp srăng ba kơ bruă djŏ tuôm mkăp hră bi mklă yua lăn mơ̆ng gŏ sang, mnuih mơ̆ng Adŭ bruă lăn ala gưl čar kơ anôk bruă gưl kdriêk kriê dlăng.

Êngao anăn, phung bi ala kdriêk Phú Thiện lŏ lač klei blŭ, klei akâo mkăn, msĕ si dleh dlan hlăm klei bi liê prăk hlăm dŭm hdră bruă hlăm hdră kñăm ala čar kơ klei mđĭ kyar bruă duh mkra- ala ƀuôn krĭng mnuih djuê ƀiă; bruă ktuê dlăng anôk čhĭ hbâo pruê leh anăn êa drao krih kơ ana pla mjing, klei dleh dlan hlăm bruă mtô bruă hlăm krĭng mnuih djuê ƀiă.