VOV4.Êđê - Mphŭn mơ̆ng hruê 26/4 truh jih hruê 3/5, phung hđeh adŭ 12 hlăm kluôm ala dưi mŭt hlăm Kdrăp kriê dlăng klei bi lông mơ̆ng Phŭn bruă sang hră mtô bi hriăm čiăng lông čih anăn bi lông hriăm jih gưl 3 thŭn 2022 hŏng hdră online. Anei jing thŭn tal êlâo hđeh sang hră čih anăn bi lông online hrô kơ nao ti sang hră msĕ si đar thŭn. Kyua anăn, Phŭn bruă sang hră mtô bi hriăm pioh 1h hruê kăm čiăng phung hđeh hriăm ngă hlăm kdrăp, êlâo kơ čih anăn bi lông online klă sĭt. Phŭn bruă ăt lông hlue ngă čih anăn online ti 2 boh sang hră gưl 3 krĭng dleh dlan ti čar Bắc Giang leh anăn Hoà Bình. Klei tŭ phung hđeh sang hră čih anăn online găl ênưih. Leh wưng lông čih anăn, mơ̆ng hruê 4/5 truh 5 mmông tlam hruê 13/5, phung bi lông srăng klă sĭt hlue ngă klei čih anăn bi lông online hlăm kdrăp kriê dlăng ti sang hră gưl 3.

H’ Zawut pô mblang