VOV4.Êđê- Dhar bruă bi mguôp klei đăo khop Daklak mrâo mkŏ mjing klei bi kƀĭn prŏng phung bi ala klei đăo khop Việt Nam rŭ mdơ̆ng lehanăn răng mgang klei êđăp ênang ti čar Daklak tal 7. Čar Daklak ară anei mâo leh êbeh 217 êbâo čô phung đăo khop, bi kƀĭn hlăm 108 bĭt sang kkuh mpŭ. Ngă klei mtrŭt mjhar “Jih jang phung ƀuôn sang bi mguôp mkŏ mkra krĭng ƀuôn sang mrâo, ƀuôn prŏng dhar kreh” Phung đăo khop mbĭt hŏng phung ƀuôn sang ti djăp alŭ wăl jih ai tiê bi mkrum mâo leh dŭm pluh êklai prăk, myơr leh dŭm êtuh m² lăn pioh mkra êlan hlăm ƀuôn hlăm să.

Lu alŭ wăl phung đăo hdĭp mâo rŭ mkra leh anôk hlăp mbul, anôk hgŭm jăk kơ hđeh êlăk hlăp mbul. Wưng kơ anăp, phung đăo khop ti alŭ wăl lŏ bi êdah ai tiê thâo bi mguôp, bi đru hdơ̆ng găp mđĭ kyar klei hdĭp mda, mâo klei thâo đru dŏng, ai tiê kmah, mđrăm mbĭt hŏng phung ƀuôn sang kluôm čar rŭ mdơ̆ng čar pô mdrŏng sah jăk siam./.

Pô mblang: Y-Khem Niê