VOV4.Êđê - Leh gưl mdei Têt Nhâm Dần 2022, hruê (7/2), ƀuôn prŏng Ƀuôn Ama Thuôt, čar Dak Lak lŏ brei phung hđeh nao hriăm kơ sang hră. Hlăk klei ruă tưp ăt dôk mâo dleh dưi ksiêm dlăng, bruă krơ̆ng kjăp klei hriăm hră lehanăn bruă klam rơ̆ng klei êđăp ênang mâo dŭm sang hră mđing mrô sa. Mbĭt hŏng bruă hluê ngă dŭm klei kčah mtrŭn hlăm bruă gang mkhư̆ klei ruă tưp, dŭm sang hră ăt kčah mtrŭn bruă klam thơ̆ng kơ bruă hlăm boh klei mrâo.

Ti sang hră gưl 2 Lạc Long Quân, ƀuôn prŏng Ƀuôn Ama Thuôt, mâo 680 čô hđeh adŭ 7,8,9 nao sang hră. Hluê hŏng hdră gang mkhư̆ klei ruă Covid 19 mơ̆ng alŭ wăl, ƀuôn prŏng Ƀuôn Ama Thuôt bi mklă brei phung hđeh adŭ 7 – 9 nao hriăm klă anăp mơ̆ng leh mdei Têt djuê ana. Leh sa wưng hriăm online kñăm gang mkhư̆ klei ruă Covid 19, hruê 7/2, phung hđeh, nai mtô ti ƀuôn prŏng Ƀuôn Ama Thuôt, čar Dak Lak mŭt hlăm wưng hriăm tal 2 hluê hdră hriăm ti sang hră hŏng ai êwa mrâo, hơ̆k m’ak hlăm boh klei mrâo, amâo ngă ngơi hlăm hdră gang mkhư̆ klei ruă Covid 19./.

H’Nêč pô mblang