Phung khua gĭt gai čar Daklak nao čuă, hơêč hmưi knăm Phật đảng thŭn 2023
Thứ năm, 08:15, 01/06/2023
VOV Tây Nguyên
VOV Tây Nguyên
VOV4.Êđê- Ƀri knăm Phật đản – thŭn yang yơng 2567-lehanăn thŭn 2023, aguah mbrue (31/5), êpul ngă bruă mơ̆ng bruă Đảng čar, Êpul gơ̆ng bruă ƀuôn sang, knơ̆ng bruă sang čư̆ êa čar, anôk bruă mặt trận car Daklak nao čuă, lehanăn hơêč hmưi leh kơ Êpul khua kiă kriê klei đăo yơng čar lehanăn dŭm boh sang yang yơng.
Ti dŭm anôk nao čuă phung khua kiă kriê čar Daklak mâo čih pioh bi mni dŭm klei đru mguôp leh mơ̆ng klei đăo yơng hŏng bruă răng mgang, rŭ mdơ̆ng lehanăn mđĭ kyar lăn čar lehanăn alŭ wăl. Bi mni kơ phung khua kiă kriê, phung yơng, phung đăo yơng mâo ngă leh bruă đru ba hlăm yang ƀuôn, đru mnuih mâo klei yan adiê ngă, nao hlăm bruă bi hrŏ ƀun, đru rŭ mdơ̆ng sang bi đru, mơ̆ng anăn hrăm mbĭt hŏng dŭm bruă Đảng, bruă sang čư̆ êa ngă jăk bruă duh mkra ala ƀuôn.
Phung khua kiă kriê čar Daklak čang hmăng hŏng klei hur har, klei jih ai tiê jih jang phung yơng, phung đăo yơng lŏ dơ̆ng đru mguôp lu hĭn djăp bruă bi êdah ai tiê klei khăp kơ lăn čar, hyuă kjăp klei bi mguôp, čiăng rŭ mdơ̆ng čar knư̆ hrue knư̆ đĭ kyar./.
Viết bình luận