Knăm anei bi hdơr kơ klei blah dưi Ngọc Hồi- Đống Đa amâodah lŏ pia jing knăm gò Đống Đa kreh mkŏ mjing nanao hlăm hrue 5 Tết Nguyên Đán grăp thŭn, bi hdơr kơ ai tiê prŏng prĭn phung jhŏng ktang kahan ao mnal Quang Trung - Nguyễn Huệ mbĭt hŏng lu phung khua kahan, lĭng kahan kơrŭ kdơ̆ng Tây Sơn lehanăn mnuih ƀuôn sang ênuk anăn, jhŏng ktang bi kdơ̆ng hŏng roh plah ala, răng mgang klei dưi êngiê lăn čar.

Anei jing sa hlăm dŭm knăm mâo leh mơ̆ng đưm ti ƀuôn prŏng Hà Nội, lŏ bi kơrŭ ai tiê k’drăm kơah mơ̆ng djuê ana pô. Tui si klei čih pioh mơ̆ng hƀuê ênuk, yan mnga thŭn Kỷ Dậu 1789, mâo klei kiă kriê mbruă mơ̆ng êpul kahan ao mnal Quang Trung, kahan Tây Sơn đuĕ nao ksŭng mblah bi rai jih 29o êbâo čô kahan Mãn Thanh plah ala, mâo sua mă ƀuôn prŏng Thăng Long. Mơ̆ng anăn, hlăm grăp blư̆ yan mnga truh, knăm bi hdơr klei blah dưi Ngọc Hồi - Đống Đa lŏ mkŏ mjing, mâo leh dŭm pluh êbâo čô mnuih, phung tue nao bi hdơr, čuh brui mngưi kơ phung jhŏng ktang mơ̆ng kahan Tây Sơn.