VOV4.Êđê - Hlăm dŭm hrue akŏ thŭn, phung khua kia kriê Đảng, knơ̆ng bruă sang čư̆ êa lehanăn Êpul gơ̆ng bruă ƀuôn sang čar Daklak nao čuă, bi tuôm leh hŏng phung knuă druh mnuih ngă bruă hlăm dŭm knơ̆ng bruă dôk hlăm čar, mđĭ ai digơ̆ gĭr hgao klei dleh dlan, mđĭ kyar pral djăp mta bruă.

Boh nik êpul khua kiă kriê nao čuă êmuh mđĭ ai phung ngă bruă knơ̆ng bruă êa săng êa pui Dhŭng Lăn Dap Kngư, knơ̆ng bruă kphê Thắng Lợi, knơ̆ng bruă msei Đông Nam Á, lehanăn dŭm êpul bruă hlăm čar. Ti knơ̆ng bruă biêr Saigon, Nguyễn Đình Trung, Khua bruă Đảng čar Daklak bi myuôm klei gĭt mơ̆ng knơ̆ng bruă, gĭr găn bi dưi klei dleh dlan kyua klei ruă tưp, răng mgang mnuih ngă bruă hŏng klei ruă tưp./.

Y-Khem pô mblang